Cultura misisipiana

La cultura misisipiana foi una cultura calcolítica d'América del Norte que florió nel mediu-oeste, l'este y el sureste de los actuales Estaos Xuníos aproximao ente los años 800 y 1550.

L'estilu de vida misisipiano nació nel valle del ríu Mississippi (del cual toma'l so nome). Les cultures del valle del ríu Ténesi pudieron coles mesmes empezar a desenvolver carauterístiques misisipianas nesta dómina. Cuasi tolos allugamientos misisipianos son anteriores a 1539 (cuando Hernando de Soto esploró l'área), y afayáronse bien pocos artefautos d'esta cultura, lo qu'indica que la mesma sumió cuasi dafechu antes de tomar contautu colos europeos.